Ein erfiðasta helgi sem ég hef átt er senn liðin, jafnframt var hún ein sú skemmtilegasta í áraraðir! Laugardagurinn var notaður í steggjun á Tomma, bróður Evu minnar. Við byrjuðum daginn á því að vekja Tomma um 6:00 og sendum hann í sturtu. Fórum heim og skildum hann eftir. Komum svo aftur um 8:00 og settum hann í búning sem var bara fyndið. Renndum á Reykjanesið þar sem við fórum í Go-kart og ég náði nátturulega lang besta tímanum, kemur ekki á óvart þar sem gaurarnir sem ég var að keppa við eru hálf hæfileikalausir á þessu sviði. Rúllaði þessu gjörsamlega upp. Eftir Go-kartið var haldið upp á Indriðastaði þar sem við fórum í Fjórhjólaferð, axakast, paintball og fleira. Eftir það lá leiðinn á skagan þar sem við settum Tomma í ÍA-búning og létum hann gera sig að fífli. Tókst betur upp en við bjuggumst við. Þar á eftir fórum við með hann í bæinn þar sem hann var látinn veiða í tjörninni, endaði þannig að hann synti út í eyju og löggan kom og var ekki parsátt við hátterni hans.Múhahhahahahahahahah! Hér er smá mynd af þessu.

Eftir að við vorum búnir að tala lögguna til fórum við með Tomma í sund í Vesturbæjarlaugina þar sem sundlaugarvörðurinn varð alveg brjálaður út í okkur af því að við vorum allir frekar fullir og Tommi var svo blekaður að það átti ekki að hleypa okkur ofaní. En með einhverri heppni tókst okkur að sannfæra liðið að við myndum sjá um hann og þau þyrftu ekki að hafa neinar áhyggjur. Snilldar ferð í sundinu varð að veruleika og heitur pottur varð að veruleika þar sem allir voru að krókna og þá sérstaklega Tommi. Eftir það lá leiðin á Nesveginn þar sem við fengum okkur hrikalega góða nautalund sem var á 5 kíló og hvarf fljótt ofan í svangan líðinn. Partý var háð til ca. hálf tvö um nóttina og þá voru tekin þung skref í bæinn. Röltum í bæinn í skítaveðri og blekk fullir. Fórum á Pravda þar sem Íbbi bróðir(Tankurinn) hleypti okkur inn fram fyrir ca. 50 manns og skemmtum okkur lala...í bænum þrátt fyrir langan dag og mikla þreytu. Hriklalega skemmtilegur dagur og takk fyrir allt strákar!
P.S. Fékk símtal frá Nuddskóla Íslands áðan og ég er kominn inn!!!!!!!!