Þá er ágætis helgi liðin, hún var að mestu tekin með stakri ró. Föstudagurinn var rólegur, ég veikur og var eiginlega bara rúmliggjandi. Laugardagurinn fór í gang um 11:00 þegar ég vaknaði, þá datt mar í smá tiltekt og reyndi eftir fremsta megni að gera fínt heima, það gekk nú samt frekar seint og illa. Um tvö leitið fór mar í Mosfellsdalinn að kaupa rósir fyrir tengdó sem er ekki frásögu færandi, gaurinn var ekki með posa og sagði mér að skutlast í Mosó til að ná mér í pening, kannski verið að svíkja aðeins undan skatti? Eftir það fór ég í afmæli til Arnars Loga sem var 3 ára, ormurinn er algjör snillingur. Þar var kræsingunum dælt niður og svo var mar þess heiður aðnjótandi að fá að skutla hressustu 90 ára skvísu landins heim. Eftir það var mar ekki að gera neitt og okkur Andra datt því í hug að hafa pókerkvöld með smá bjór og fittnes í tellaranum. Meðan við brúkuðum pizzu og bjór og gagnrýndum kvikindin í sjónvarpinu svitnuðu þau fyrir allan peningin. En okkur leið vel heima í stofu. Póker - Leikar fóru þannig að ég var með 1 sigur, Andri 1 sigur, Guðgeir 1 sigur og Tommi engan sigur......múhahahahahaha! Aftur á móti fengum við Tommi aðeins meiri skemmtun útúr þessu kvöldi þar sem við sátum aftan á alvöru mótorhjóli á helvíti góðum hraða um borgina. Tommi fékk ca. 30 mín í actioni en ég um 10 mín. Mjög gaman og stóð frekar mikið uppúr. Annars er það í fréttum um kvöldið að Andri beyglaði bílinn minn og Ívar bróðir stútaði á mér öxlinni vinstra megin í gamnislag. Sunnudagurinn var hálf aumingjalegur, mar vaknaði uppúr 12:00 og rann salla rólegur fram úr rúmminu, datt í smá kexát í morgunmat og svo í smá þrif, þurfti að klára það sem ég byjaði á. Svo datt mar í smá sund með skvísunni minni og í Bónus þar sem ég og konana fórum hamförum í búðinni. Ég hef bara aldrei séð annað eins magn af ónauðsynlegum vörum á einum stað. Svo var bara slappað af og borðað skuggalega gott lambalæri í kvöldmat. Flestir í Nesvegs-familíunni fóru svo á eitthvað leikrit hjá Ernu en ég var nú ekki á þeim buxunum að fara á eitthvað listaspírudæmi. Er ekkert að reyna að troða þessu snobb-lista-menningarviðbjóð í mínar æðar. Hef ekki þessa rosa þörf fyrir það að vera að fara í leikhús og svona. Bíó er menning sem mér líkar!

Þá verður mar að fara að vinna eitthvað fyrir laununum sínum en ekki að hanga á netinu allan tíman.