Þar sem ég tel mig sjálfan vera frekar efins um allt sem tengist einhverju yfirnátturulegu eða einhverju sem tengist áru manna. Ég fór í Eðlisfræðitíma áðan sem breytti öllum mínum skoðunum, þrátt fyrir að mér líði ekkert sérstaklega vel með það. Þannig er mál með vexti að ég varð vitni að undarlegasta atburði ever á minni stuttu ævi hingað til. Ég var í fyrirlestri hjá einhverjum gaur sem telur sig sjá áru manna og geta fundið veika punkta hjá fólki. Hann tók eina stelpu til hliðar og fann blett sem hafði áhrif á áru hennar. Ég trúði þessu ekki og hló innra með mér....held að hann hafi skynjað það því að hann biður mig um að setja lófana mína ca. 10-12 cm. frá öxlum hennar og spryr mig svo hvað ég finn. Ég sagðist ekkert finna og þá sagði hann mér að slaka á í öxlunum og reyna aftur. Ég geri það og finn þennan hrikalega sterka rafstraum í hægri lófann minn og þvílíkan hita. Ég kom ekki við neitt og fann þetta samt í ca. 1 mín. Hann snertir svo mjög laust á hægra herðablaðið mitt og spyr mig hvað ég finn.....og ég fann þennan viðbjóðslega verk á herðablaðinu. Gaurinn sagði mér svo að loka fyrir orkuflæðið með því að taka hendurnar frá og ég gerði það. Hann spurði svo hvað ég fyndi og ég fann ennþá fyrir verknum og hann sagði að ég hafði tekið verkinn sem var í herðablaðinu á stelpunni og dregið hann inn í mig. Veit að enginn trúir þessu en ég er bara gáttaður hérna heima og skil ekki upp né niður í neinu. Svo eftir tíman sagði gaurinn við mig að ég væri með mjög öflugar hendur og ef ég slappaði aðeins meira á þá myndi ég fara fljótlega að finna meira svona hjá fólki. Ég er ekkert allt of viss um að ég vilji það! Þetta er rugl skrítið. Og ég er ekki búin að vera að reykja neitt eða taka einhver ólögleg efni í morgun! Gerðist allt undir áhrifum lofts!