Þá er komið að smá fréttum þar sem ég er búin að vera frekar latur við þetta allt. Ég hef hreinlega ekki viljað eyða tíma í neitt annað en að vera með litlu prinsessunni minni og Evu minni.

En fréttirnar eru eftirfarandi:

1. Litla prinsessan fór í bað með pabba fyrir 5 dögum í fyrsta skipti.

2. Litla prinsessan er búin að stækka um ca. 1 cm síðan hún fæddist og er orðin mjög mannalegri á svipinn, flestir segja að hún líkist pabbanum aðeins meira en hún er alveg eins og Eva þegar Eva var lítil.

3. Ég er að fara í próf á morgun í LOL203 sem ég er að taka í sumarskóla, er ekki alveg að nenna því en þetta er smá flash back í skólagöngu, samt hálf leiðinlegt.

4. Davíð og Gerður eru að koma heim 4 Júlí, sama dag og Ívar bróðir kemur líka frá þeim. Þau verða á klakanum í 2 vikur eða til 18. Júlí.

5. Pabbi er að fara til Spánar í dag í sjúkraþjálfun, verður í 17 daga og kemur heim 9 Júlí.

6. Ég er búin að komast að því að Eva mín er Súperman, hún er þvílík hörku kona og ég er brjálað stoltur af henni. Hún er ekkert smá dugleg að gefa prinsessunni og vakna á nóttunni, sinnir henni 230% og er samt ógeðslega falleg og jafnlynd, sexý og allt sem því fylgir, alveg greinilegt að ég hef náð mér í stelpu sem veit alveg hvað hún syngur.

En það er ennþá verið að vinna í barnaland síðunni, kemur inn í þessari viku!

Þá eru það stóru fréttirnar sem flestir eru nú búnir að heyra af, við Eva eignuðumst gullfallega og yndislega prinsessu síðasta þriðjudag, eða á þeirri skemmtilegu dagsetningu 05.06.07. Litla skvísan okkar var rúmar 14 merkur, 3585 gr. og 50 cm. Það er nú ekki til frásögu færandi en allt sem er tengt prinsessunni okkar og tölum er ótrúlega skemmtilegt. Kennitalan hennar er mjög flott, 050607-3210 og hún fæddist kl. 13:57 eða 1357. Prinsessan okkar er sú sprækasta og Evu heilsast vel. Prinsessan okkar fæddist með mikið dökkt hár og lætur nú ekki mikið í sér heyra nema þegar henni langar í að borða. Og ekki er það nú hátt ef hún lætur í sér heyra. Hún er algjört yndi og við erum að rifna úr stolti. Ég læt nokkrar myndir fylgja en eins og er þá erum við ekki að vilja eyða tíma í að gera barnalandsíðu en það verður gert von bráðar.

Hérna er yndislega prinsessan innan við mínutu gömul! Komin beint í fangið á mömmu!

Hérna erum við saman á okkar fyrsta kvöldi sem fjölskylda!

Hérna er ég komin heim að kúra í rúmminu hjá ömmu Gullu og afa Svenna

Svo er ekki langt í það að fleiri fréttir og myndir komi inná netið.

Já þá er komið að því sem ég er búin að lofa alveg heil lengi, myndir af okkur Evu, bumbunni og fleiru.

Hérna sést að ég get ekki fengið nóg af konunni minni, hún er bara svo hrikalega sexý með barni( Sorry Andri )

Hérna sést það augljóslega að ég er búin að vera að vinna í því að ná Evu minni en ég á ekki séns!

Kúlan er svo sæt að ég get ekki annað gert en að knúsa hana og kyssa!

Bara smá kósý mynd af okkur og vöggunni sem litla krílið okkar verður í

Hérna eru öll nýju barnafötin á slánni sem Eva mín var svo dugleg að þvo.

Hérna ætla ég að leyfa ástinni minni að vera í aðalhlutverkinu, hún á það svo sannarlega skilið.

Annað er það að frétta að Eva er bara frísk og spræk, sem dæmi má nefna þá er Eva búin að vera að vinna síðustu 3 daga á tannlæknastofunni sem hún var á síðasta sumar, ekki margar sem ég þekki sem hafa unnið á 9 mánuði. Ég er núna í námi í FB að klára LOL203 sem ég átti eftir og er það 3 í viku, mán-mið-fös kl. 20-22. Mjög eðlilegur tími. En ég er að drepast úr spenning og verð fljótur að setja eitthvað inn ef eitthvað gerist.